Léi Ñe’ẽnguéra Rehegua ñemosarambi UNI – San Pedro del Paranáme.

Ojeikuaaháicha ko 25 jasypoapýpe, ojegueromandu’atahína GUARANI ÑE’Ẽ ÁRA. Mba’érepa upéva. Ary 1.967-pe, peteĩ  amandaje guasúpe, oiko pe castellano ne’ẽme ojeikuaáva Constitución Nacional ramo. Upe aty guasúpe, Ñe’ẽ Guarani oñembohupi Ñe’ẽ ñane retãmegua  ramo, (como lengua nacional). Ha upéi katu, ambue amandaje guasúpe, ary 1992 -pe, ojehupijey, Ñe’ẽ teéramo (como lengua oficial), oñemopyenda pe ñe’ẽ ñandereheguaitéva.

Ojegueromandu’a haguã Guarani Ñe’ẽ Ára, Táva  San Pedro del Paranáme, Universidad Nacional de Itapúa rogaitépe, oiko peteĩ  aty guasu.

Ombosako’i hikuái ko aty, Gobernación del Departamento de Itapúa, Secretaría de Educación y Cultura rupive, ha Universidad Nacional de Itapúa, Mbo’ehaoite Humanidades, Ciencias Sociales y Cultura Guaraní rupive avei. Ko aty  kóva oiko ko arapy ka’arúpe, 23 jasypoapýpe, 14:00 aravo guive.

Heta tapicha oñembyaty. Ojehecha upépe, Mbo’ehára Anastacio Ferreira, oguahẽva Gobernación reraitépe, ha Mbo’ehára Antonio Kiernyezny, omyakãva Mbo’ehaoite Humanidades ha  iñirũnguéra Oscar Galeano ha Sebastián Araujo.

Oῖ avei mbo’ehára Graciela Olguín, Supervisión 1 rérape Artigas-gua. Karai Jorge García, táva Artigas myakãhára, Supervisor Pedagógico San Pedro del Paranagua, Mbo’ehára Walter Rafael Méndez, Mbo’eharakuéra maymáva, Mbo’ehára César González Peralta omba’apóva pukoe hérava Radio Táva ñe’ẽme.  Avei, temimbo’ekuéra Trabajo Social ha Psicología pegua, Humanidades reraitépe, ha tapicha omyakãva’ekue, Bilingüismo Guaraní-Castellano, San Pedro del Paranáme.

Mbo’ehára Antonio Kiernyezny, omotenonde peteĩ Ñemongetakatu Léi Papy 4251 Ñe’ẽnguéra Rehegua.

Ojapo peteĩ  tembiasa guasu ñe’ẽ  guaraní rehegua. Ha’e imandu’a pe Léi Guasu 1940 gua, hesaraiha ñe’ẽ guaranígui. Pe ary 1967, hasýpe imandu’a hikuái Ñe’ẽ  guaraníre. Upe  atýpe, ojehupi, Ñe’ẽ ñane retãmegua. Upete  guive, osyryry ohóvo, sapy’apy’a oñemokarẽse ha márõnte ndaikatúi.

Ñe’ẽ Guarani ñemosarambi.

Ojeikuaaháicha, ñane  retãme mbo’ehaokuérape oñembo’e, Mbo’ehao Guasúpe avei. Heta  tapicha omboykese, ha ndikatúi. Sapy’ánte ñepysãngápe, hákatu oho hese. Upévare, ko’ã aty San Pedro del Pararanáme iporãiterei ojejapo, ikatu haguãicha ipyrusuve ohóvo pe  guarani jepuru porã. Jaikuaaháicha avei, ojeguerekóma  pe Parlasúrpe, peteĩ  tapicha ñe’ẽasahára. Ha upéicha, Európape, heta Mbo’ehaopavẽme, mbo’ehaoitépe, oñembo’e avei. Pytagua oúva ñane retãme oikuaase hikuái katuete pe ñe’ẽ guarani ñandereheguaitéva.

Conversatorio sobre la Ley de Lenguas en la UNI de San Pedro del Paraná.

En la tarde  de este martes 23 de agosto, desde las 14:00 horas en la Sede de la Universidad Nacional de Itapúa, de esta ciudad, se llevó a cabo un encuentro con destacados exponentes del quehacer educativo de la zona para tratar todo lo concerniente a la Ley Nº 4251 de Lenguas.  Esta actividad  contó con la coordinación general de la Gobernación de Itapúa y la Universidad Nacional de Itapúa, a través de la Secretaría de Educación y Cultura y la Facultad de Humanidades, respectivamente.

El principal expositor fue el Dr. Antonio Kiernyezny, Decano de la Facultad de Humanidades, y la amplia participación de los presentes.

Esta actividad fue en el marco de la recordación del Día del Idioma Guaraní, que se celebrará el 25 de agosto próximo.

Fuente: Vice Decanato. HUMA